Навіны

-1 палітвязень: выйшаў з калоніі Давід Збаранскі

Ён першы палітзняволены, які цалкам адбыў пакаранне за берасцейскія падзеі 10 жніўня 2020

Давід Збаранскі. Выкарыстана яго фота да затрымання

Па інфармацыі берасцейскай «Вясны», 21 студзеня 2023 года выйшаў з бабруйскай калоніі Давід Збаранскі. Хлопца затрымалі, калі яму было яшчэ толькі 17 год. Гэта здарылася 30 лістапада 2020 года адразу пасля таго, як Давід вярнуўся з Польшчы.

Хлопец у 2020 годзе паступіў у люблінскі ўніверсітэт (Польшча) на факультэт турызма. Праз каранавірус, навучанне праходзіла ў анлайн-рэжыме, таму Давід у канцы лістапада прыехаў дамоў, дзе яго затрымалі. Падставай для затрымання (а потым і крымінальнай справы) стаў удзел у акцыі пратэсту, якая прайшла 10 жніўня 2020 года ў Берасці. Следства (як і пракуратура, як і суд) кваліфікавалі тыя падзеі як масавыя беспарадкі, а пратэстоўцаў судзілі па ч.2 арт.293 Крымінальнага кодэксу. Мінімальнае пакаранне па гэтаму артыкулу — 3 гады калоніі. Менавіта столькі і прысудзілі хлопцу.

Чытайце таксама:

За час знаходжання за кратамі ажаніўся.

Давід першы палітзняволены, які цалкам адбыў пакаранне па гэтай справе. Раней за Давіда з калоніі выйшаў толькі Максім Шатохін, але ж Шатохіну (пасля 1 года і 2 месяцаў зняволення) змянілі пакаранне на «хатнюю хімію», якую ён адбывае па сённяшні дзень. Агулам па справе за берасцейскія падзеі 10.08.2020 было асуджана 66 чалавек.

Чытайце таксама (знешняя спасылка):
Made on
Tilda