Цалкам адбыла пакаранне валантэрка, якая насіла перадачы ў берасцейскае СІЗА
Ёй прысудзілі паўтары гады зняволення
Ірына Прыгава — 57-гадовая жыхарка Берасця. Была асуджана да 1 года 6 месяцаў калоніі за развешванне бчб-сцяжкоў, жоўта-блакітных стужак, а таксама пратэстныя ды антываенныя надпісы на будынках. Гэтае кваліфікавалі па трох крымінальных артыкулах: арт.341 (Псаванне маёмасці), ч.1 арт.339 (Хуліганства), ч.1 і ч.2 арт.368 (Абраза Лукашэнкі).
Як стала вядома берасцейскай «Вясне», у апошнія дні траўня-2023 жанчына выйшла з гомельскай жаночай калоніі №4. Яна цалкам адбыла пакаранне.