Вярхоўны суд Беларусі змяніў прысуд былым кіраўнікам баранавіцкага выдання Intex‑press
Як даведалася БАЖ, 8 чэрвеня 2026 адбыўся разгляд апеляцыйнай скаргі на вырак Уладзіміру Янукевічу і Андрэю Пакаленку. У выніку Янукевічу пакінулі тэрмін без зменаў (14 гадоў калоніі) — а Пакаленку тэрмін зменшылі на год (з 12 да 11 гадоў калоніі).
Нагадаем, што абодва абвінавачваліся ў «здрадзе дзяржаве» (арт.356 КК). Пры гэтым дакладная сутнасць абвінавачвання невядомая, а суд праходзіў у закрытым рэжыме.
Супрацоўнікаў (ўжо закрытага) незалежнага выдання Intex‑press затрымалі напрыканцы 2024 года. Потым былі асуджаны 4 былыя журналісты гэтага медыя: Наталля Семяновіч, Мікіта Пятроўскі, Руслан Равяка і Людміла Зелянькова атрымалі «хатнюю хімію» за нібы «садзейнічанне экстрэмісцкай дзейнасці» (арт.361-4 КК).