Беларусы Варшавы сабраліся на традыцыйную акцыю ў цэнтры польскай сталіцы
6 кастрычніка 2024 года ў Варшаве прайшла традыцыйная нядзельная акцыя беларусаў. Паводле арганізатара акцыі Васіля Плешкунова, у гэтым годзе адбыліся 4 хвалі памілаванняў. На волю выйшлі 115 чалавек. Рэжым патрабуе ад Захаду плюшак за сваю «літасць». І гэта нягледзячы на тое, што за той жа час пасадзілі больш за 140 чалавек. Праўладны прапагандыст Васкрасенскі адначасова заявіў, што «мы чакалі плюшак, плюшак няма — вызваленні больш не разглядаюцца», а знакамітыя палітвязні будуць выходзіць у апошнюю чаргу, так сказаў Васкрасенскі ў размове з праваабаронцам Леанідам Судаленка.
Успомнілі на акцыі пра рашэнне Лукашэнкі паставіць помнік карове, якая карміла партызан. Па словах Плешкунова, на акцыі выказаліся тыя, у чыіх бабуль, дзядуль партызаны не пытаючы забіралі каровы і іншую жыўнасць, выракаючы сем'і на голад. Паводле ўдзельнікаў акцыі, для Лукашэнкі дойная карова гэта Беларусь, якую ён «доіць» 30 гадоў. Хутчэй гэта яго падштурхнула да ідэі такога помніка ў Беларусі, а не партызанская шырма.
Таксама павіншавалі актывістаў Алега Кулешу ды Ганну Лукашонак з днём народзінаў. Дзеці праспявалі ім «100 лят». Скончылася акцыя традыцыйным сумесным фотаздымкам.
Успомнілі на акцыі пра рашэнне Лукашэнкі паставіць помнік карове, якая карміла партызан. Па словах Плешкунова, на акцыі выказаліся тыя, у чыіх бабуль, дзядуль партызаны не пытаючы забіралі каровы і іншую жыўнасць, выракаючы сем'і на голад. Паводле ўдзельнікаў акцыі, для Лукашэнкі дойная карова гэта Беларусь, якую ён «доіць» 30 гадоў. Хутчэй гэта яго падштурхнула да ідэі такога помніка ў Беларусі, а не партызанская шырма.
Таксама павіншавалі актывістаў Алега Кулешу ды Ганну Лукашонак з днём народзінаў. Дзеці праспявалі ім «100 лят». Скончылася акцыя традыцыйным сумесным фотаздымкам.
