Як стала вядома берасцейскай «Вясне» ад дасведчанай крыніцы, ужо пэўны час ад Уладзіміра Гундара штотыдзень прыходзяць лісты да яго сям'і, дзе палітвязень расказвае пра свае будні. Ён з кастрычніка месяца 2023 г. знаходзіцца ў камеры-адзіночцы, рэжыму не парушае. Яму дазволена рэгулярнае ліставанне і 15-хвілінная тэлефонная размова ў месяц. Праўда, ў чэрвені-2024 размовы яшчэ не было. Перадач Гундар пазбаўлены да вясны 2025 года, да верасня бягучага года — спаткання. Як будзе далей — пакажа час. Можа атаварвацца ў турэмным ларку на 80 рублёў. Здароўе пакуль трымаецца. Настрой таксама. І ў гэтым для дамашніх шчасце.
Нагадаем, што палітвязень Уладзімір Гундар пакараны 20 гадамі пазбаўлення волі. Знаходзіцца за кратамі з 30 снежня 2020 года. Пакаранне адбываў у бабруйскай калоніі №2. У кастрычніку 2023 г. быў адпраўлены ў магілёўскую турму №4, дзе да гэтага часу знаходзіцца ў камеры-адзіночцы.