1 сакавіка 2024 тэлеграм-канал берасцейскага ГУБАЗу апублікаваў «пакаяннае відэа» з мужчынай. У роліку сілавікоў ён распавядае, што напісаў каментар пад выступам Лукашэнкі (які каментар — невядома, сілавікі яго «запікалі»).
Берасцейская «Вясна» знайшла мужчыну ў сацсетках — там ён раней быў падпісаны як Аляксандр Кулігін.
Сілавікі сцвярджаюць, што берасцейца змясцілі ў СІЗА. На «пакаянным відэа» Аляксандр даваў свае тлумачэнні з кайданкамі на руках.