Судовыя паседжанні

Хто прадстаўляе дзяржабвінавачванне ў справе Дар'і Лосік?

Гэтая пракурорка таксама была ў музыкі Віктара Катоўскага

Кацярына Пакала. Скрыншот відэа «ТРК Брэст» пра прысуд В.Катоўскаму

Кацярына Пакала прадстаўляла бок абвінавачвання на некалькіх судах па «справе Зельцара» (суд над Міраславам Федаровічам, менчуком Аляксеям Івановым, бас-гітарыстам гурта TerraKod Віктарам Катоўскім).

Што такое справа Зельцара?
28 верасня 2021 года ў менская кватэры здарылася страляніна. Загінуў ва ўласнай кватэры айцішнік Андрэй Зельцар, а таксама памёр супрацоўнік КДБ Федасюк. Гэты выпадак выбухнуў у медыйнай прасторы, афіцыйная версія выклікала пытанні, у сеціве вяліся бурныя абмеркаванні здарэння. Аднак замест вынікаў афіцыйнага раследвання, грамадству прад'явілі новыя брутальныя затрыманні і крымінальныя справы ў дачыненні да звычаных грамадзян. На затрыманых ціснулі як пры затрыманні, так і ў турмах-ізалятарах.

А 18 студзеня 2023 года для палітзняволенай Дар'і Лосік пракурорка запатрабавала 2 гады калоніі. Па інфармацыі берасцейскай «Вясны», гэтай пракуроркай была Кацярына Пакала. Нагадаем, што сутнасць абвінавачвання ў дачыненні да Дар'і у тым, што жанчына як жонка палітвязня дала інтэрв'ю незалежнаму медыя «Белсат». Прысуд Дар'е будзе агучаны 19 студзеня суддзёй Мікалай Грыгаровічам у Берасцейскім абласным судзе.
Made on
Tilda