Прафсаюз берасцейскага ўніверсітэта прыгонам набірае падпісантаў у тэлеграм-канал
Не толькі студэнты — але й іх бацькі
Мы знайшлі сведчанні, што ў БрДТУ (Берасцейскім дзяржаўным тэхнічным ўніверсітэце) студэнцкі прафком сілком набірае падпісантаў у свой Telegram-канал. Да студэнтаў даводзілі, што ім абавязкова падпісацца на той канал. Вусна студэнтам тлумачылі, што бацькам таксама «пажадана» гэта зрабіць.
Калі прааналізаваць статыстыку канала, выглядае што падпіскі бацькоў не кантралююць. Бо колькасць падпісантаў канала прафкома павялічваецца прыблізна на 800 чалавек штогод і цалкам можа тлумачыцца падпіскамі студэнтаў. Вось параўнанне з ростам тэлеграм-канала самаго ўніверсітэта:
Адзначым, што з прававога пункту гледжання, прафсаюзы маюць быць выключна добраахвотнай справай. Таму прымус далучацца да прафсаюзаў, як і прымус падпісвацца на іх сацсеткі, супярэчыць гэтаму прынцыпу.