І паказалі гэта чарговай акцыяй
16 жніўня 2020 года ў Менску, Берасці, Пінску, Ганцавічах, Бярозе, Белаазёрску і ў шмат іншых гарадах Беларусі адбыліся найбуйнейшыя за гэты час мітынгі пратэсту. Плакаты «Сыходзь!», шмат бел-чырвона-белых сцягоў, у руках бел-чырвона-белыя кветкі... І гэта было не пад прымусам, людзі выйшлі бараніць свае правы. За часы пратэсту з 9 жніўня ўжо былі забіты Генадзь Шутаў, Аляксандр Тарайкоўскі, Аляксандр Віхор.
Таму беларусы Варшавы выйшлі 16 жніўня 2026 года ў цэнтр польскай сталіцы, каб напомніць ўсяму свету пра трагедыю беларусаў, якіх у 2020 жорстка білі, ламалі рукі і ногі, кідалі за краты, рабілі інвалідамі і забівалі. Рэжым да гэтага часу помсціць годным беларусам за 2020 год. У краіне жорсткі тэрор і сачэнне за кожным.
На акцыі ў Варшаве людзі гаварылі пра немагчымасць далейшага такога існавання беларусаў у цэнтры Еўропы, пра тое, што нічога не забыта (хаця й час няўмольна бяжыць), але пакаранне для тых, хто вінаваты ў забойстве людзей ў 2020 і далей, у садызме па адносінах да свайго народу, павінна адбыцца.
Пачалася акцыя з хвіліны маўчання, былі запалены свечкі. Людзей было не шмат, але акцыі не спыняюцца і не спыняцца, пакуль сядзяць палітвязні, кажа арганізатар акцыі, сябра Беларускай асацыяцыі палітвязняў «Да волі» Васіль Плешкуноў.
Скончылася акцыя традыцыйным агульным здымкам для гісторыі барацьбы беларусаў за праўду, справядлівасць і законнасць.
Чытайце таксама:
Сутыкнуліся з парушэннем правоў?
Пішыце нам. Гэта бясплатна, бяспечна, ананімна
Таму беларусы Варшавы выйшлі 16 жніўня 2026 года ў цэнтр польскай сталіцы, каб напомніць ўсяму свету пра трагедыю беларусаў, якіх у 2020 жорстка білі, ламалі рукі і ногі, кідалі за краты, рабілі інвалідамі і забівалі. Рэжым да гэтага часу помсціць годным беларусам за 2020 год. У краіне жорсткі тэрор і сачэнне за кожным.
На акцыі ў Варшаве людзі гаварылі пра немагчымасць далейшага такога існавання беларусаў у цэнтры Еўропы, пра тое, што нічога не забыта (хаця й час няўмольна бяжыць), але пакаранне для тых, хто вінаваты ў забойстве людзей ў 2020 і далей, у садызме па адносінах да свайго народу, павінна адбыцца.
Пачалася акцыя з хвіліны маўчання, былі запалены свечкі. Людзей было не шмат, але акцыі не спыняюцца і не спыняцца, пакуль сядзяць палітвязні, кажа арганізатар акцыі, сябра Беларускай асацыяцыі палітвязняў «Да волі» Васіль Плешкуноў.
Скончылася акцыя традыцыйным агульным здымкам для гісторыі барацьбы беларусаў за праўду, справядлівасць і законнасць.
Чытайце таксама:
- Імпрэза да Дня нараджэння Ларысы Геніюш адбылася 08.08.2026 ў Варшаве
- У Варшаве адбылося святкаванне Дня Незалежнасці 27 ліпеня
Сутыкнуліся з парушэннем правоў?
Пішыце нам. Гэта бясплатна, бяспечна, ананімна
