Адкрыццё спартовай пляцоўкі ў Івацэвічах

З добраахвотна-прымусовай яўкай школьнікаў, якія на канікулах

У школьных чатах СШ №3 г. Івацэвічы былі разасланы цікавыя паведамленні на расейскай мове:

«2 ліпеня 2026 года на стадыёне СШ №3 адбудзецца ўрачыстае адкрыццё шматфункцыянальнага спартовага комплекса у рамках рэспубліканскага праекта прэзідэнцкага спартовага клуба «Спорт для ўсіх».

Мэта і асноўная ідэя праекта — спорт, даступны кожнаму, незалежна ад сацыяльнага статуса і фінансавых магчымасцяў, а яго задача — стварыць спартовую інфраструктуру і тым самым дапамагчы арганізацыі вольнага часу насельніцтва, асабліва ў рэгіёнах.

Паважаныя бацькі і дзеці! Запрашаем вас на адкрыццё спартовых пляцовак на тэрыторыі школы, адбудзецца 2 ліпеня 2026 года (чацвер) у 10.00.

Ад кожнага 1-11 класа яўка вучняў не менш 10 чалавек (з шарамі, сцяжкамі, бутаньеркамі), адзенне — парадная, белая кашуля/блузка, на крайні выпадак чыстая кіпельна белая адпрасаваная футболка».

Здавалася быццам бы, з'ява станоўчая. Але бацькі ўспрынялі яе неадназначна. «Дзеці адпачываюць ужо месяц. Многія не дома, то бок не ў горадзе», — як сказала адна з мам. Другая наогул абурылася: «Спёка несусветная, дыхаць няма чым, а тут пры парадзе ідзі з шарамі, сцяжкамі і бутаньеркамі, яшчэ і новага ўзора, і дэманструй на спёцы радасць ад устаноўленых некалькі трэнажораў».

Сапраўды, няма слоў. А чаму не паклікаць, напрыклад, дзетак у адвольнай форме ці ў спартовай па звычайнай аб’яўцы, што з'явілася пляцоўка для заняткаў спортам. А не клікаць у спёку ды яшчэ, каб дэманстраваць патрыятызм і падзяку Яму за шчаслівае дзяцінства. «З барскага пляча халопам. Лепш бы не дралі грошай з бацькоў на рамонт школы, а то яшчэ здавай чамусьці толькі налічкаю», — дабавіла трэцяя.

Нечага адразу ўспамінаецца ўрачыстае адкрыццё туалетаў ў Расіі і дзеці з Паўночнай Карэі, якіх таксама выстаўляюць у любое надвор'е пры поўным парадзе сустракаць замежных гасцей або сваіх высокіх асоб ці на якое таксама адкрыццё дэмантструючы шчасце, радасць і падзяку Галоўнаму Боству.

Чытайце таксама:

Сутыкнуліся з парушэннем правоў?
Пішыце нам. Гэта бясплатна, бяспечна, ананімна

2026-06-30 21:36