Жонка палітвязня-журналіста Ігара Лосіка, Дар'я Лосік знаходзіцца пад вартай у СІЗА. Нядаўна яна сустрэла Дзень народзінаў — за кратамі (ды ў той жа дзень, "у якасці віншавання" следчыя перадалі яе справу ў пракуратуру).
Цяпер стала вядома, што крымінальная справа стала яшчэ бліжэй да судовага разгляду. Як вынікае з паведамлення пракуратуры, Дар'ю сапраўды збіраюцца судзіць за інтэрв'ю "Белсату". Гэтае кваліфікавана па ч.1 арт.361-4 Крымінальнага кодэкса (садзейнічанне экстрэмісцкай дзейнасці).
Пракуратура адзначыла, што Дар'я Лосік "пазіцыянавала сабе як жонку палітвязня, дала негатыўную ацэнку дзяржаўным органам, паведаміла што сужэнец не здзяйсняў злачынства ды асуджаны незаконна".
