Прапаганда, за атрыманне якой яшчэ і прымушаюць плаціць
Хочацца пару слоў сказаць пра бярозаўскую раённую газету «Маяк» пад рэдактарствам маладой дзяўчыны з вёскі Боркі Бярозаўскага раёна Аляксандры Дзербіс. Газета мае тыраж 5134 экзэмпляры, хаця ў былыя часы было за 11.000. Можа, таму вярнулася прымусовая падпіска, каб вярнуць былую лічбу?
Настойліва «рэкамендуюць» падпіску на «Маяк» бюджэтнікам, а таксама працоўным калектывам і асабліва ІТР. Людзі не задаволены, але, каб пазбегнуць непрыемнасцяў на працы, падпісваюць, як сказала адна «бюджэтніца». Па яе словах, калі была таннейшай гэтая «макулатура», то падпішашся пад ціскам і забудзеш, толькі каб адсталі, бо ўсім намякаюць на кантракт. А цяпер гэты ідэалагічная агітка каштуе 11.79 рублёў на месяц, то-бок 140 рублёў на год. Раней, калі газета называлася «Маяк камунізма» і каштавала капейкі, пры адсутнасці туалетнай паперы ішла на патрэбу ў туалет. А цяпер нават з гэтай мэтай не выкарыстоўваецца і выкідаць ў сметніцу 140 рублёў шкада. «Але бюджэтнікі — людзі паднявольныя, што зробіш, церпім, праклінаючы сябе за слабасць», — кажа жанчына. Хаця прымус да падпіскі парушае правы чалавека, але людзям зараз не да правоў — патрэбна проста выжыць.
Нагадаем, што газета «Маяк» Бярозаўскага раёна была створана ў 1944 годзе. У 1962 годзе, у сувязі са стварэннем Бярозаўскага вытворчага калгасна-саўгаснага ўпраўлення, газета стала міжраённай і абслугоўвала працоўных Бярозаўскага і Івацэвіцкага раёнаў, змяніўшы назву на «Маяк камунізму». У 1991 году газета стала «Маяком». Вось толькі сваёй сутнасці не змяніла, а можа, стала горш. «У савецкі час хоць крытыку мог напісаць, а цяпер усё начальства і чынавенства святое. Адным словам, падманлівы маяк, які вядзе зусім не туды», — гаворыць адзін з падпісчыкаў «Маяка».
Настойліва «рэкамендуюць» падпіску на «Маяк» бюджэтнікам, а таксама працоўным калектывам і асабліва ІТР. Людзі не задаволены, але, каб пазбегнуць непрыемнасцяў на працы, падпісваюць, як сказала адна «бюджэтніца». Па яе словах, калі была таннейшай гэтая «макулатура», то падпішашся пад ціскам і забудзеш, толькі каб адсталі, бо ўсім намякаюць на кантракт. А цяпер гэты ідэалагічная агітка каштуе 11.79 рублёў на месяц, то-бок 140 рублёў на год. Раней, калі газета называлася «Маяк камунізма» і каштавала капейкі, пры адсутнасці туалетнай паперы ішла на патрэбу ў туалет. А цяпер нават з гэтай мэтай не выкарыстоўваецца і выкідаць ў сметніцу 140 рублёў шкада. «Але бюджэтнікі — людзі паднявольныя, што зробіш, церпім, праклінаючы сябе за слабасць», — кажа жанчына. Хаця прымус да падпіскі парушае правы чалавека, але людзям зараз не да правоў — патрэбна проста выжыць.
Нагадаем, што газета «Маяк» Бярозаўскага раёна была створана ў 1944 годзе. У 1962 годзе, у сувязі са стварэннем Бярозаўскага вытворчага калгасна-саўгаснага ўпраўлення, газета стала міжраённай і абслугоўвала працоўных Бярозаўскага і Івацэвіцкага раёнаў, змяніўшы назву на «Маяк камунізму». У 1991 году газета стала «Маяком». Вось толькі сваёй сутнасці не змяніла, а можа, стала горш. «У савецкі час хоць крытыку мог напісаць, а цяпер усё начальства і чынавенства святое. Адным словам, падманлівы маяк, які вядзе зусім не туды», — гаворыць адзін з падпісчыкаў «Маяка».
