Раніцай 7 жніўня ў Пінску затрыманы Кірыл Іваноў, затрыманне праводзіў участковы Яўген Атока. Кірыла абвінавацілі ў тым, што ён нібыта пісаў пагрозы ў «экстрэмісцкіх чатах».
Раней яго затрымлівалі ў жніўні 2020. Тады ён атрымаў 10 содзен арышту***.
Кірыл – адзін з трох дзяцей вядомай праваабаронцы Веранікі Івановай. Яна дапамагала фігурантам «пінскай справы». Не выключана, што жанчыне такім чынам – праз затрыманне сына – помсцяць за яе актыўную грамадзянскую пазіцыю.
У самой Веранікі адбыўся вобшук яшчэ ў лютым.
***Удакладняем, Кірыла судзілі тры разы – агулам на 25 содзен і штраф.
Затрыманы сын вядомай праваабаронцы. Ён у пінскім ІЧУ
2021-08-07 17:28
Пра нас
Ужо больш за 20 гадоў мы займаемся праваабарончай дзейнасцю ў інтарэсах жыхароў Берасцейскай вобласці. Асноўны напрамак — дапамога людзям, якія церпяць ад палітычных рэпрэсій. Нягледзячы на тое, што з 2021 году ўзмацніўся ціск з боку беларускіх улад, наша каманда працягвае аказваць актыўную дапамогу людзям з Берасцейскай вобласці.
