4 кастрычніка 2024 года ў Беларускай прасторы «Робім разам» прайшла творчая сустрэча з двума мастакамі, чые плакаты выстаўлены на выставе, якая адкрылася 16 верасня. Адным з іх быў арганізатар выставы, які жыве ў Даніі беларускі мастак Зміцер Гушча, другі — Антось Радзівонаў.
Паводле Зміцера Гушчы, былі вызначаны 3 накірункі: салідарнасць з Беларуссю, Украінай і падтрымка Украіны. Значная частка прысвечана Расеі, яе ганебнай ролі з асуджэннем іх драпежнасці. У сваіх плакатах мастакі паказалі не толькі паразу і волю, але таксама і надзею. Надзея на тое, што Беларусь будзе вызваленая і можна будзе свабодна вярнуцца ў вызваленую і дэмакратычную Беларусь. Каб гэты дзень наступіў як мага хутчэй, хтосьці ідзе змагацца са зброяй у руках, а мастак можа рабіць плакаты, якія будуць натхняць людзей, тлумачыць сітуацыю. Гэта таксама пэўны спосаб барацьбы.
Па словах Антося Радзівонава, на яго плакатах перажытае ім у 2020 годзе, калі людзі ў форме забівалі сваіх грамадзян, калечылі, адымалі здароўе. Гэтыя жахі не могуць быць забыты. Паводле Антося, магчыма, праз плакат лягчэй усведамляць рэчаіснасць, чым праз карціны.
Па словах Антося Радзівонава, на яго плакатах перажытае ім у 2020 годзе, калі людзі ў форме забівалі сваіх грамадзян, калечылі, адымалі здароўе. Гэтыя жахі не могуць быць забыты. Паводле Антося, магчыма, праз плакат лягчэй усведамляць рэчаіснасць, чым праз карціны.
— Творы 37 мастакоў, прадстаўленыя на выставе, праглядзела прыкладна 800 чалавек. Выстава працягнецца да 12 кастрычніка. Запрашаем аматараў гісторыі, жывапісу і проста актыўных людзей, — паведаміў кіраўнік Прасторы Сяргей Бульба.
