Бярозаўскія праваабаронцы паслалі бандэролькі сваім зняволеным калегам

У бандэролькі былі пакладзены яблыкі, цыбуля, часнык, фінікі і салодкае. Праваабаронцы спадзяюцца, што іх зняволеныя калегі — Алесь Бяляцкі, Валянцін Стэфановіч, Уладзімір Лабковіч, Марфа Рабкова, Андрэй Чапюк — атрымаюць бандэролькі і парадуюцца дасланаму ў гэтыя халодныя, сырыя восеньскія дні. Бо адказы на адпраўленыя раней пісьмы ад іх не прыходзяць, нажаль.

Алесь Бяляцкі, Валянцін Стэфановіч, Уладзімір Лабковіч, арыштаваныя ў ліпені 2021 года і чакаюць будучага суда.

А Марфа Рабкова і Андрэй Чапюк ужо пакараныя доўгімі тэрмінамі зняволення і чакаюць разгляду іх скаргаў у апеляцыйным судзе.

Падтрымаць праваабаронцаў можаце і вы па адрасах:

• СІЗА-1, 220030, г. Мінск, вул. Валадарскага, 2 (Аляксандр Віктаравіч Бяляцкі, Валянцін Канстанцінавіч Стэфановіч, Уладзімір Мікалаевіч Лабковіч, Андрэй Сяргеевіч Чапюк, Марыя Аляксандраўна Рабкова)
• ПК №3, 211322, Віцебская вобласць, г.п. Віцьба (Леанід Леанідавіч Судаленка)