Навіны

Паліна Шарэнда-Панасюк выйшла з ШІЗА, дзе яна правяла 40 содняў запар. Але...

Яе збіраюцца змясціць у ПКТ, а да таго ж яшчэ раз завялі справу за "злоснае непадпарадкаванне адміністрацыі"

Паліна Шарэнда-Панасюк са сваёй сям'ёю

Як паведаміў муж Паліны, Андрэй Шарэнда, ад палітзняволенай прыйшла кароценькая вестка. Так стала вядома, што:
  • 9 кастрычніка Паліна выйшла з ШІЗА пасля 40 содняў знаходжання там. Але ўжо былі падрыхтаваныя новыя паперы па змяшчэнню яе ў ПКТ (памяшканне камернага тыпу) на 2 месяцы.
  • На Паліну заведзена чарговая крымінальная справа па ч.2 артыкула 411 Крымінальга кодэксу (Злоснае непадпарадкаванне патрабаванням адміністрацыі папраўчай установы).

Такім чынам, ужо зараз Паліна можа знаходзіцца ў ПКТ. А пасля, мяркуе яе муж, могуць дадаць яшчэ паўтары ці два гады зняволення.

Нагадаем, што Паліна Шарэнда-Панасюк — актывістка з Берасця. Спачатку ей прысудзілі 2 гады калоніі нібыта за тое, што ад Паліны пацярпелі ажно 7 міліцыянтаў падчас аднаго вобшуку ў яе сям'і. Потым за нібыта шматлікія парушэнні ў калоніі дадалі яшчэ 1 год зняволення. Мужа Паліны Андрэя таксама збіраліся судзіць па крымінальнай справе, але ж ён здолеў з'ехаць з Беларусі разам з дзецьмі.
Made on
Tilda