Учора споўнілася 10 год Ягору Лаптановічу — пакуль яго бацька і маці знаходзяцца за кратамі
На фота: дзеці Ігара ды Юлі Лаптановічаў, бацькі Юлі Лаптановіч Аднаму з трох дзяцей Ігара ды Юлі Лаптановічаў споўнілася 10 год, маленькі юбілей. Дзеці пакуль растуць без бацькоў: маці Юлю змясцілі ў СІЗА-7 па абвінавачванні ў "фінансаванні экстрэмісцкай дзейнасці" ды "незаконныя дзеянні з асабістымі дадзенымі". А іх бацьку Ігара асудзілі па так званай "карагоднай справе" ды "паклёпе на чальцоў выбарчай камісіі". Днямі Ігара пачалі этапаваць у калонію, бо суд прызначыў яму пакаранне ў выглядзе 2,5 год калоніі.
Падтрымаць Юлію Лаптановіч можна, даслаўшы вітанначкі па адрасе: 📮 СІЗА-7. 224030, г. Брэст, вул. Савецкіх памежнікаў, 37 Лаптановіч Юліі Аляксандраўне
Падтрымаць Ігара Лаптановіча хутка можна будзе па адрасе: 📮 ПК-3. 211322, Віцебская вобласць, г.п. Віцьба Лаптановічу Ігару Анатольевічу