У «спіс экстрэмістаў» дадалі 58 чалавек. З іх 33 з Берасцейскай вобласці

2 снежня 2022 Міністэрства ўнутраных спраў у чарговы раз абнавіла спіс «асоб, датычных да экстрэмісцкай дзейнасці» (так афіцыйна называецца «спіс экстрэмістаў»).

З жыхароў Берасцейскай вобласці туды дадалі трыдцать тры чалавека:

• 12 асуджаных па так званай «карагоднай справе» (крымінальная справа за тое, што 13.09.2020 у Берасці пратэстоўцы танчылі на скрыжаванні дарог і вадзілі карагод, пакуль іх не разагнаў вадамёт): Храпко Аляксандр, Медушэўскі Радзівон, Курганаў Дзмітрый, Ксенжук Сяргей, Палхоўскі Ілля, Чугунова Галіна, Нішт Сафія, Увараў Мікіта, Лойка Алена, Нямірскі Андрэй, Смірнова Кацярына, Лысковіч Алена.
• 10 асуджаных за пінскую акцыю пратэсту, якая прайшла 09.08.2020: актор Волкаў Сяргей, Колб Валянцін, Германовіч Леанід, Лопух Аляксандр, Мацук Андрэй, Цібец Сяргей, Шандыба Аляксандр, Хвескавец Андрэй, Шаламіцкі Аляксандр, Шаламіцкі Сяргей.
• 10 асуджаных за акцыю пратэсту, якая прайшла 10.08.2020 у Берасці: Гваздзёлка Раман, Шатохін Максім (нядаўна пераведзены з калоніі на «хатнюю хімію»), Кузьміч Юрый, Князеў Дзмітрый, Ганчароў Мікіта, Панько Дзмітрый, Жук Дзяніс, Тур Дзмітрый, Жылінскі Вадзім, Сотнікаў Антон.
• 1 асуджаны па так званай «справе Зельцэра» (крцмінальная справа за інтэрнэт-каментары пра перастрэлку ў мінскай кватэры, падчас якой загінуў айцішнік Зельцэр і супрацоўнік КДБ Федасюк): Кузюр Іван.

Раней мы пісалі:

• Уключылі ў «спіс экстрэмістаў» Паліну Шарэнда-Панасюк, дэпартаванага праз «карагодную справу» былога палітвязня, і яшчэ 31 чалавека. А лічба «экстрэмістаў» у вобласці перакрочыла 400 чалавек. Чарговае папаўненне «спіс экстрэмістаў» ад МУС.

Усяго, па падліках берасцейскай «Вясны», па стане на 2 снежня 2022 у Берасцейскай вобласці 450 чалавек уключаны ў «спіс экстрэмістаў». Усяго ў спісе 2117 беларусаў, то бок кожны пяты — з Берасцейшчыны.

А што ўключэнне ў гэты Спіс значыць для самаго чалавека, чытайце тут.