Навіны

Стала вядома прычына вобшука ў бацькоў экс-палітвязня Аляксандра Кабанава

Тры-чатыры крымінальных артыкула
Аляксандр Кабанаў
10 сакавіка 2023 года адбыўся ператрус дома ў бацькоў Аляксандра Кабанава. Аляксандр былы палітзняволены, пасля вызвалення з'ехаў з Беларусі ды працягвае сваю блогерскую дзейнасць.

Як увечары 11 сакавіка Кабанаў паведаміў у сваім Фэйсбуку, прычынай вобшука ў яго бацькоў сталі «тры, а магчыма чатыры крымінальных справы» супраць блогера (заўвага рэдакцыі: хутчэй за ўсё, мелася на ўвазе тры-чатыры крымінальных артыкула, а не асобных справы).

Нагадаем, што Аляксандр Кабанаў вызваліўся з калоніі ў снежні 2022 года. Яго разам з блогерам Сяргеем Пятрухіным вынавацілі ў нібыта падрыхтоўцы пратэстаў 2020 году, а таксама ў публічнай абразе міліцыянта.
Made on
Tilda