37-гадовага мужчыну з Берасця асудзілі

19 чэрвеня 2026 года ў «спіс экстрэмістаў» дадалі 37-гадовага Яўгена Пяргаева. МУС у спісе адзначыў, што мужчыну асудзіў Берасцейскі абласны суд па ч.3 арт.361 (Заклікі да санкцый) ды ч.1 арт.130 КК (Распальванне варожасці).

Як даведалася Наша Ніва, Пяргаеў родам з Берасця. Мае вышэйшую адукацыю ў сферы будаўніцтва, і менавіта гэтым зарабляў апошнімі гадамі. На спецыялізаваных парталах дагэтуль вісяць яго абвесткі: як майстар ён прапаноўваў паслугі па ўкладванні ламінату, дэмантажы падлог, рамонце мэблі і выконваў дробныя сантэхнічныя працы, маючы за плячыма каля 8 гадоў досведу.

Сутнасць справы супраць мужчыны дакладна невядомая. Але мяркуючы па артыкулах, гэта маглі быць крытычыныя інтэрнэт-каментары пра беларускую ўладу.

МУС у спісе адзначыў, што Пяргаеў «адбывае пакаранне». Гэта зазвычай азначае, што прысудзілі калонію або «хімію» (абмежаванне волі з накіраваннем ў папраўчую ўстанову).

Чытайце таксама:

• 21-гадовага хлопца з Берасця асудзілі, меркавана, па справе «Гаюна». Ён вучыўся ў акадэміі авіацыі
• Дзяўчына з Пінска вучылася за мяжой, але вярнулася. Дома яе асудзілі, найверагодней, па «справе Гаюна»

Сутыкнуліся з парушэннем правоў?
Пішыце нам. Гэта бясплатна, бяспечна, ананімна