Судовыя паседжанні

12 (!) пратаколаў за рэпосты матэрыялаў «Б**сату»

Фота з ФБ Ігара Бараноўскага.

Ігар Бараноўскі — галоўны рэдактар газеты «Царква» і краязнаўца. 27 ліпеня (у дзень, калі матэрыялы былі прызнаныя «экстрэмісцкімі») Бараноўскі размясціў у сваіх сацсетках дзве спасылкі на «Б**сат»: відэаінтэрв’ю са Святланай Ціханоўскай i банер з інфармацыяй пра колькасць палітвязняў у краіне.

На мужчыну склалі два пратаколы паводле ч. 2 арт. 19.11 КаАП («распаўсюд экстрэмісцкай прадукцыі»)

28 кастрычніка суд адправіў гэтыя пратаколы на дапрацоўку. «Дапрацавалі» і склалі яшчэ 10, за кожны рэпост матэрыялаў «Б**сату» у ліпені. Нават за тыя дні, калі канал не быў прызнаны «экстрэмісцкім».

Сам краязнаўца кажа, што пра неабходнасць выдалення рэпостаў, размешчаных да 27.07, ён не ведаў.

Суд над берасцейцам адбудзецца 22 лістапада.
Made on
Tilda