Шукаем валанцёраў у Брэсцкі філіял Праваабарончага цэнтру “Вясна”. Увогуле, усіх, у каго ёсць хоць трохі вольнага часу для добрых спраў.
Патрэбныя валанцёры для маніторынгу судовых пасяджэнняў: Прысутнасць валанцёраў у судзе важна дзеля таго, каб сабраць поўную і дакладную інфармацыю пра сітуацыю на працэсах і пра вынікі судоў. Інфармацыя, сабраная падчас назірання, публікуецца на сайце "Вясны" і фіксуецца ў маніторынгавых анкетах для далейшай апрацоўкі. Назіранне адбываецца па буднях з 9.00 да 18.00, дзе судзяць затрыманых (Машэрава 8). Магчыма назіраць толькі частку дня. Валанцёры прысутнічаюць на пасяджэннях і запаўняюць форму па інструкцыі, з якой вас азнаёмяць пасля запаўнення анкеты. Назіранне за судамі – валанцёрская праца і адпаведна не аплочваецца. Каб далучыцца да назірання, калі ласка, запоўніце форму.